दियो निभ्यो

आज एउटा प्रण गरे

बत्ती निभाएर दियो बालेँ

उज्यालो छिरेका प्वाल सबै टालेँ

एकछिन घोरिएर हेरे र सोचेँ

हेरेर र हेरे र मा धेरै फरक हुने रहेछ 

एक्कासी याद आयो

दियो हेरेँ

बलिराको थियो ।

उज्यालो बत्तीमा हैन

मनमा हुनपर्छ

आजबाट दियो बाल्छु

छुटेका सपना फेरि पाल्छु,

फेरि याद आयो

दियो हेरेँ

भर्भराइराथ्यो ।

शब्द ठुलो भयो ठानेँ

मेटे र लेखेँ

‘उज्यालो बत्तीमा हैन

मनमा हुनपर्छ

आजबाट दियो बाल्छु

छुटेका सपना फेरि पाल्छु,

फेरि याद आयो

दियो हेरेँ

थिएन ।’

थिएन ?

कुकुरका छाउरा जस्ता

कराइरहेका सपनामा छिरे

र आफैँलाई हप्काँए

आँखा चिम्लेर देखेका सपना पनि 

के सपना ?

पूरा गर्न नसकिने सपना 

भन्दा त

पूरा नभएको विपना नै ठिक 

आँखा खोलेँ

दियो हेरेँ

तिहारको याद दिलायो ।

अक्सिजन पो कम भयो कि ?

सपनाका सुस्केराले निभ्न पो 

लाग्यो कि ?

निभ्यो ।

शान्त ।

सपनाले विपनाको प्रण निलिदियो

विपनामा नउखिलिने झार खिलिदियो,

टिप्छु भन्ने सोच्दा सोच्दै

आँखा फेरि खुलिदियो ।

तिहार जस्तै झिलिमिली गरेछि बत्तिले

के असल कुरा सोच्थ्यो यो मत्तिले

यौवनको मातमा मत्याइदियो

मत्याएर विपनामै लत्याइदियो 

आँखा खुलिसकेपछी

दियो हेरे

बल्दै थियो ।

आज सपनाबाट निस्केर के गर्नु 

पर्सि फेरि फर्कन परेपछी 

सोचेर प्रण फिर्ता लिएँ

हावाको एक झोका तानी

दियो तिर बाटो दिएँ

निभेन ।

फेरि गरेँ

निभेन ।

निभ्दै निभेन ।

एक्कासी याद आयो

 माथी हेरेँ

‘दियो निभ्यो’

ह्या शिर्षक नै मिलेन ।

उ : दाइ कविता त बबाल छ त ?

म : धन्यवाद ।

उ : एउटा प्रश्न सोध्नुथ्यो ?

म : सोधन ।

उ : दियो चाहिँ कसरी निभेन ?

म : अहिले सम्म दियो निभ्या देख्या छौ ? आगो निभ्छ भाइ दियो हैन ।

उ : अहो! दाइ । के बाट प्रेरित भएर लेख्नु भो त ?

म : Fucked up Result ले गर्दा बिरक्त लागेर घरबाट अलि टाढाको बस बिसौनीमा दुइटा बाहरुको कुरा सुन्दै बसिरहेको थिएँ । धेरै मान्छे आए एकछिन बसे, बाहन आयो, चढेर गए । यसो सोचे एत्रो बर्षदेखि पर्खिरहेको बिसौनीलाई कसैले पनि ‘आउ तिमीपनि जाउँ । भाडाँ म हाल्दिन्छु ।’ भनेनन् अनि फेरि सोचेँ दियोको बारेमा । सबैले दियो बाल्ने भन्छन् तर बिचरा एउटा धागोको प्राण जान्छ । दियो उसको पिडामा तात्न मात्र सक्छ । पग्लिने उसलाई हक छैन । त्यसैले पनि दियो कहिले निभेन बलेको जो थिएन । जो बल्यो जो सक्यो, उसलाई कसैले वास्ता गरेनन् बिसौनीलाई जस्तै ।
9:22 PM

JAN 15, 2018
© Jaidip Subedi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s