आमा, छोरा च्यापी रहेछिन – Rajkamal Kharel

आमा, छोरा च्यापी रहेछिन 
सान अनि नाम कमाउनेहरुको बीचमा 

आमा, छोरा च्यापी रहेछिन 

दान अनि धर्म कमाउनेहरुको बीचमा 

आमा, छोरा च्यापी रहेछिन 
म,

म जब थकित अनुहारहरुलाइ हेरेर आफ्नो थकाइका थकान मार्न साझ बौद्ध जान्छु ,

एक्लै, बेग्लै भिडहरुको बीचमा ।

बौद्धका या बुद्धका ती आँखामा यी आँखा राखेर ती आँखा हेरिरहदा बेग्लै महसुस हुन्छ मलाई ।

कसको कुरा पनि बिश्वास नगर्ने र धेरै नबोल्ने ,

अन्तरमनका कुराहरूले तब छुन्छ मलाइ ।

सुन्दर ती बुद्धका मुर्तिहरु शान्त छन् तर व्यापारी आतुर छन् 

यसरी शान्त अनि आतुर मनहरुको बीचमा

आमा, छोरा च्यापी रहेछिन ।

न माने घुमाएर म शान्त हुन्छु ,

न मन्त्रले मलाइ शान्त बनाउछ ,

बस् ती माने र मन्त्रहरुको बिक्मा एक्लै हराउछु , म बेग्लै हराउछु ।

मेरा साना पाइला अघि बढिरहदा , ठिटीहरु पर मयन बालिरहेछ्न

अनि मस्तिष्कमा अनेक तरङ्ग फैलिरहदा मन लिएर अगाडि बढ्छु म ,

यसरी मेरा कविताका एक पछि अर्को पात्रहरुको बीचमा

आमा, छोरा च्यापी रहेछिन ।

उनी कचौरो र हात त होइन 

जीवन र कर्म थापिरहेछिन

ती जीवन र कर्ममा म माया दर्साउन जादा पनि 

उनि, छोरा च्यापी रहेछिन 

आमा, छोरा च्यापी रहेछिन ।

यी न्याना काखहरुलाइ हेर्दा म ती न्याना काखहरुको स्पर्श गर्छु 

जुन न्याना काखहरुले मलाई नमर्दाको स्वर्ग देखाएको थियो 

स्वर्गको मज्जा लिइरहेको त्यो छोरालाइ देखेर मस्तिष्कमा अनेक तरङ्ग फैलिरहदा 

मन लिएर अगाडि बढ्छु म
यसरी थकित अनुहारहरुलाइ हेरेर आफ्नो थकाइका थकाइहरु थाकिसकेपछि , हिड्छु आफ्नै घरतिर 

एक्लै , बेग्लै फेरि अर्कै भिडहरुको बीच ।

समय,

समयले एका बिन्दुबाट हाम्रो जिन्दगी बढाइ रहेको र अर्को बिन्दुबाट जीवन घटाइ रहेको महसुस गरिरहदा म अर्को साझ बौद्धमा आइपुगेको हुन्छु ,

आज माने हल्लाउने बुढीबजै दुई तीन फेरो लाउदा पनि देखिन 

उमेरमा ७० पनि बढी, लौरो एउटा सिलाभर , टल्केको कलर, मैलो लुगा अनि सफा मन

बुढामान्छेहरुको एक हुलिया ।
यस्तै बेस्तै यस्तै त्यस्तैहरुको बीचमा

आमा, छोरा च्यापी रहेछिन 

आमा, छोरा च्यापी रहेछिन ।

म,

म अस्ति आउँदा पनि आमा, छोरा च्यापी रहेथिन 

हिजो आउँदा पनि उनी , छोरा च्यापी रहेथिन 

आज पनि आमा, छोरा च्यापी रहेछिन ,

यी दिन-दिनको दृश्यमा छोरा मैले काखमा देखे 

खेल्ने, कुद्ने उमेर उसको , लगातार ३-दिनको ३-फेरोमा ३-पटकनै काखमा सुस्ताएको भेटे 

न दुध चुसाइ राम्ररी देखिएको छ ,

न उ चलेको देखिएको छ ,

बस काखमा उ मस्त चुसी रहेछ , चुसीरहेछ उ पृथ्वी ,

पछ्यौराले छोराको शरीर पुरै छोपेर 

आमा, छोरा च्यापी रहेछिन ।

मन घर जान नमानीरहदा , यी साना पाइला एक फेरो अर्को गर्न लम्कियो ,

र यसपाली चनाखो भइ, आमाको नजीक हुने आट गरे ,

खल्तीबाट २० रुपैया झिकी उनलाई यो माया दिदा ,

मुटु भारी पारी भकानिदै घर फर्किए 

त्यहीपनि आमा, छोरा च्यापी रहेछिन 

सान अनि नाम कमाउनेहरुको बीचमा 

दान अनि धर्म कमाउनेहरुको बीचमा 

आमा, छोरा च्यापी रहेछिन ।

© Rajkamal Kharel